பசங்களை அடுத்து மெரினா!

தேசிய விருது பெற்ற இயக்குனர் பாண்டியராஜ் பசங்க படத்தையடுத்து அருள்நிதியை வைத்து வம்சம் படத்தை இயக்கினார். அந்த படத்தில் எதிர்பார்த்த வசூல் கிடைக்கவில்லை.

இதையடுத்து மீண்டும் தற்போது சிறுவர்களை மையமாக வைத்து ஒரு படத்தை இயக்கி வருகிறார். படத்தின் நாயகனாக விஜய் டி.வி.யின் நிகழ்ச்சி தொகுபாளர் சிவ கார்த்திகேயனும், நாயகியாக களவாணி ஓவியாவும் நடிக்கிறார்கள்.

படப்பிடிப்பு முடிந்தவுடன்தான் விளம்பரப்படுத்த இருக்கிறார்கள். இந்த படத்தின் பெயர் மெரினா என்பது கூட இன்னும் பலருக்கும் தெரியாத ரகசியமாம்.