லிங்குசாமி தயாரிப்பில் கணேஷ் வெங்கட்ராமன்

கும்கி வெற்றிக்குப் பிறகு லிங்குசாமி தயாரிப்பில் உருவாகும் புதிய திரைப்படம் இவன் வேற மாதிரி. இதனை எங்கேயும் எப்போதும் என்ற திரைப்படத்தை இயக்கிய சரவணன் இயக்குகிறார். நாயகனாக விக்ரம் பிரபு நடிக்கிறார். கும்கியைத் தொடர்ந்து விக்ரம் பிரபு நடிக்கும் இரண்டாவது படத்தையும் லிங்குசாமி தயாரிக்கிறார். தற்போது இந்தப் படத்தில் புதிதாக கணேஷ் வெங்கட்ராமன் நடிக்கிறார். படத்தில் இவருக்கு போலீஸ் அதிகாரி வேடம். இதற்கு முன்பு உன்னைப் போல் ஒருவன் திரைப்படத்திலும் கணேஷ் வெங்கட்ராமன் போலீஸ் அதிகாரி வேடம் ஏற்று நடித்திருந்தார் என்பது குறிப்பிடத்தக்கது.