இனிமேல் மலையாள நடிகைகளுடன் மட்டுமே நடிப்பேன்: நடிகர் விமல்

பசங்க திரைப்படம் மூலம் தமிழ் திரையுலகிற்கு அறிமுகமானவர் விமல். இவர் தொடர்ந்து களவாணி, வாகை சூடவா, கலகலப்பு உள்ளிட்ட வெற்றிப் படங்களில் நடித்துள்ளார்.

அதில் களவாணி, வாகை சூடவா படங்களில் நாயகிளாக ஓவியா, இனியா ஆகியோர் நடித்திருந்தனர். இவர்கள் இருவரும் மலையாள நடிகைகள். மேலும் விமல் தற்போது நடிக்கும் ‘சில்லுனு ஒரு சந்திப்பில்’ என்ற படத்திலும் ஓவியாவே நடிக்கிறார். இதனைத்தொடர்ந்து உருவாக இருக்கும் ‘மஞ்சப்பை’ திரைப்படத்திலும் மலையாள நடிகை லட்சுமி மேனன் ஒப்பந்தமாகியுள்ளார்.

இப்படி விமலின் ஒவ்வொரு வெற்றிப் படங்களிலும் மலையாள நடிகைகள் நடித்திருக்கின்றனர். இதன் விளைவு இனி வரும் படங்களில் மலையாள நடிகைகளுடன் மட்டும்தான் நடிப்பேன் என்று விமல் தெரிவித்துள்ளார். இதைப்பற்றி யார் என்ன சொன்னாலும் கவலையடையப் போவதில்லை. சினிமாவில் வெற்றியடைய வேண்டுமானால் என்ன வேண்டுமானலும் செய்யத் தயார் எனவும் கூறியுள்ளார்.