கமல் அவசரப்படக் கூடாது: அமீர்

"விஸ்வரூபம்' பட விவகாரத்தில் நடிகர் கமல்ஹாசன் அவசரப்பட்டு எந்தவிதமான முடிவும் எடுக்க வேண்டாம் என இயக்குநர் அமீர் கேட்டுக் கொண்டுள்ளார்.

இது குறித்து அவர் வெளியிட்ட அறிக்கை:
நடிகர் கமல்ஹாசன் வருத்தத்துடன் பேட்டியளித்தது மிகுந்த வேதனை அளிக்கிறது. கமல் போன்ற நிதானமான கலைஞன் வருத்தம் அடைவது அனைவருக்கும் வருத்தமே. இந்தியாவை மதச்சார்பற்ற நாடாகத்தான் அனைவரும் பார்த்துக் கொண்டிருக்கிறோம். எனவே அவசரப்பட்டு எந்த முடிவையும் கமல் எடுத்து விடக்கூடாது.

இந்தப் பிரச்னையை மேலும் உயிர் பெறாமல் தடுப்பது தமிழக அரசின் கடமை என்றார் அமீர்.