ஆதிபகவன் சேட்டிலைட் உரிமை சன் தொலைக்காட்சியிடம்!

பருத்திவீரன் திரைப்படத்துக்குப் பிறகு அமீர் இயக்கத்தில் வரவிருக்கும் திரைப்படம் ஆதிபகவன்.

ஜெயம் ரவி நாயகனாகவும், நீதுசந்திரா நாயகியாகவும் நடித்துள்ளனர். யுவன் சங்கர் ராஜா இசையமைத்துள்ளார். தி.மு.க., பிரமுகர் அன்பழகன் தயாரித்துள்ளார். முற்றிலும் ஆக்ஷன் திரில்லராக படம் தயாராகி உள்ளது. மிகுந்த எதிர்பார்ப்பை ஏற்படுத்தி இருக்கும் இந்தப் படம் இம்மாதத்தில் திரைக்கு வருகிறது. இந்நிலையில் ஆதிபகவன் திரைப்படத்தின் சேட்டிலைட் உரிமையை சன் தொலைக்காட்சி பெற்றுள்ளதாக தகவல்கள் வெளியாகி உள்ளன.

விஸ்வரூபம் திரைப்படத்தை போல இப்படத்துக்கும் எதிர்ப்பு கிளம்பியுள்ள நிலையில் சன் தொலைக்காட்சி சேட்டிலைட் உரிமையை பெற்றிருப்பது குறிப்பிடத்தக்கது.