சமையல்:சோயா கட்லெட்

தேவையான பொருட்கள்:

சோயாமாவு - 50 கிராம்
எலுமிச்சை சாறு - 1/2 டீஸ்பூன்
மஞ்சள்பொடி - 1/4 டீஸ்பூன்
உப்பு - தேவைக்கேற்ப
அரிசி மாவு - 2 டீஸ்பூன்
உருளைக்கிழங்கு - 2
வெங்காயம் - 1
காரட் - 1
இஞ்சி, பூண்டு - 1 டீஸ்பூன்
கரம் மசாலா - 1/2 டீஸ்பூன்
எண்ணெய் - 75 கிராம்
கொத்துமல்லி - சிறிதளவு

செய்முறை:

உருளை, காரட் இவற்றை வேக வைத்து மசித்துக் கொள்ளவும், டீஸ்பூன் எண்ணெயை கடாயில்விட்டு பொடிப்பொடியாக நறுக்கிய வெங்காயம், பச்சைமிளகாய் இவற்றைப் போட்டு வதக்கி அதனுடன் உருளை, காரட், மஞ்சள், உப்பு, இஞ்சி, பூண்டு சேர்த்து வதக்கிய பின் பாதி சோயாமாவு, அரிசி மாவு சேர்த்துக் கலந்து திக்கானவுடன் இறக்கிக் கொள்ளவும். நன்றாக ஆறியபின் எலுமிச்சைசாறு சேர்த்து பின் மற்ற சோயா/அரிசி மாவை உப்பு கலந்து ரெடியாக தட்டில் வைத்துக் கொள்ளவும். கட்லெட் செய்ததை மாவில் போட்டு புரட்டி (உருட்டி) எடுத்து தோசை தவாவில் சிறிது எண்ணெயில் பொரித்து எடுக்க ருசியாக இருக்கும். எண்ணெய் மிகக் குறைவு, சோயா மாவில் செய்ததே குழந்தைகளுக்குத் தெரியாது.