அடி மேல் அடி; விரக்தியில் எல்ரெட் குமார்!

'விண்ணைத்தாண்டி வருவாயா', 'கோ' என ரெண்டு மகா ஹிட்டுகளை கொடுத்தவர் தயாரிப்பாளர் எல்ரெட் குமார். இவரே இயக்கிய 'முப்பொழுதும் உன் கற்பனைகள்' படு வறட்சி. படத்தின் ரிசல்ட் இவரது பாக்கெட்டையும் சேர்த்து வறட்சியாக்கிவிட, தற்போது கௌதம் மேனன் இயக்கத்தில் இவர் தயாரித்துக் கொண்டிருக்கும் 'நீதானே என் பொன் வசந்தம்' படத்தை பதம் பார்க்க துவங்கிவிட்டதாம். பார்த்து செலவு பண்ணுங்க என்று கௌதம் மேனனின் கைகளை இழுத்துப் பிடிக்க ஆரம்பித்திருக்கிறார். இதனால் அவருக்கும் இவருக்கும் லடாய் என்கிறார்கள். உண்மையில் இப்படத்தை இந்தியிலும் வெளியிடுவதாக இருந்தார்களாம். ஆனால் சமீபத்தில் கௌதம் இயக்கிய 'விண்ணைத்தாண்டி வருவாயா' திரைப்படம் அங்கேயும் மண்ணை விட்டு எழாதளவுக்கு மரண அடி வாங்கிவிட்டது. அதன் காரணமாக 'நீதானே என் பொன் வசந்தத்தை' இந்தியில் வியாபாரம் செய்வதில் முட்டுக்கட்டை விழுந்திருக்கிறதாம். சினிமாவை பொறுத்தவரை குப்புற விழுந்தாலும் குபீர்னு தூக்கி நிறுத்தக்கூடிய அதிர்ஷ்டம் பின்னாலேயே வரும். தூசிய தட்டிட்டு எந்திருங்க.... வசந்தம் வீசும்!