நெடுஞ்சாலையில் ஓர் காதல்!

பைன் போகஸ் பட நிறுவனம் தயாரிக்கும் படம் 'நெடுஞ்சாலை'. இதில் நாயகனாக ஆரி, நாயகியாக ஷிவதா நடிக்கின்றனர். வில்லனாக ப்ரஷாந்த் நாராயன் மற்றும் தம்பி ராமையா, வி.டி.வி. கணேஷ், 'பாய்ஸ்' மணிகண்டன், பங்கு, அஸ்வின் ராஜா, கண்ணன், பொன்னையா ஆகியோரும் நடிக்கின்றனர். இப்படத்தின் பூஜை சமீபத்தில் நடைபெற்றது. நடிகர் ஜெயம் ரவி படத்தை துவக்கி வைத்தார். இப்படத்துக்கு கதை, திரைக்கதை, வசனம் எழுதி கிருஷ்ணா இயக்குகிறார். இவர் சூர்யா, ஜோதிகா நடித்த 'ஜில்லுன்னு ஒரு காதல்' படத்தை டைரக்டு செய்தவர். படம் பற்றி அவர் கூறும் போது, 1985-ல் நெடுஞ்சாலை ஒன்றில் நடந்த உண்மை சம்பவத்தை மையமாக வைத்து காதல், ஆக்ஷன் கலந்து இப்படம் தயாராகிறது. சேலம், தர்மபுரி, மைசூர், பெங்களூர், டெல்லியில் படப்பிடிப்பு நடக்கிறது. ஒளிப்பதிவு: ராஜவேல், ஒளிவீரன், இசை: சத்யா சி., எடிட்டிங்: கிஷோர், நிர்வாக தயாரிப்பு: கண்ணன் பொன்னையா. நம்மாளுங்க ஒரு ரோட்டக் கூட விட்டு வைக்க மாட்டாங்களய்யா....