விரைவில் வீச வருகிறது 'பச்சை என்கிற காத்து'

நல்ல படங்களை எடுப்பதைக் காட்டிலும் அதை வெளியிடுவதுதான் ரொம்ப கடினம். அப்படிப்பட்ட ஒரு படம் தான் 'பச்சை என்கிற காத்து'. தங்கர் பச்சானிடம் உதவி இயக்குநராக பணியாற்றிய கீரா, இயக்கிய இப்படம் முடிந்து நீண்ட நாட்களாக வெளியாகமல் இருந்தது. மணப்பாறை அருகில் வாழ்ந்த ஒரு இளைஞனின் உண்மை சம்பவங்களை மையமாக வைத்து மிகுந்த பொருட்செலவில் 'அ' திரை நிறுவனத்தால் தயாரிக்கப்பட்டிருக்கும் இப்படம், பல இயக்குநர்களாலும், பல்வேறு தரப்பினராலும் பாராட்டைப் பெற்றும் வெளியாவதில் காலதாமதம் ஏற்பட்டது. இந்த நிலையில் ஸ்ரீராம் மூவி மேக்கர்ஸ் நிறுவனத்தின் உரிமையாளர் முத்துகிருஷ்ணன், இப்படத்தை எதேச்சையாக பார்த்திருக்கிறார். படத்தை பார்த்து பிரமித்துப் போன முத்துகிருஷ்ணன், "இந்த படம் தமிழ் சினிமாவை அடுத்த கட்டத்திற்கு நகர்த்தும் மிக முக்கியமான படம். 'பருத்திவீரன்', 'சுப்பிரமணியபுரம்' படங்களுக்கு அடுத்து நீடிக்கும் வெற்றிடத்தை நிறைவு செய்யும்." என்று கூறியதுடன். இப்படத்தை தானே வெளியிடவும் முடிவு செய்திருக்கிறார். தற்போது 'பச்சை என்கிற காத்து' படத்தின் வெளியீட்டு வேலைகள் பரபரப்பாக நடந்து வருகின்றன. விரைவில் இப்படம் உலகம் முழுவதும் வெளியாக இருக்கிறது. இதில் கதையின் நாயகனாக வாசகர் என்ற புதுமுகமும், நாயகியாக தேவதை என்ற புதுமுகம் நடித்திருக்கிறார்கள். இவர்களுடன் தேசிய விருது பெற்ற அப்புகுட்டி, பெரியார் பற்றிய நாடகத்தை தொடர்ந்து தமிழகமெங்கும் மேடையெற்றி வரும் பேராசிரியர் மு.ராமசாமி ஆகியோரும் முக்கிய வேடத்தில் நடித்திருக்கிறார்கள். நல்ல விஷயங்கள வீச விடுங்க.......