சும்மா வந்து போவதில் எனக்கு விருப்பம் இல்லை: ருக்மணி

பாரதிராஜாவின் பொம்மலாட்டம் படம் மூலம் தமிழ் சினிமாவில் அறிமுகமானவர் நடிகை ருக்மணி. பெங்களூரில் பிறந்து வளர்ந்த ருக்மணி, சிறு வயதிலேயே பரதம் கற்று தேர்ச்சி பெற்றுள்ளார். அசாத்திய தைரியமும், தன்னம்பிக்கையும் ருக்மணியின் பலம். 'பொம்மலாட்டம்', 'ஆனந்த தாண்டவம்' படத்திற்கு அடுத்து நீண்ட இடைவெளிக்கு பிறகு இப்போது ரஜினிகாந்தின் 'கோச்சடையான்' படத்தில் கமிட் ஆகி இருப்பதால் ரொம்ப பரபரப்பாக காணப்படுகிறார். 'ஆனந்த தாண்டவம்' படத்திற்கு பிறகு ஏன்...? இவ்வளவு பெரிய இடைவெளி என்று ருக்மணியிடம் கேட்டபோது தன் மனசில் உள்ள எல்லாவற்றையும் கொட்டி தீர்த்துவிட்டார். சினிமாதான் எனக்கு உலகம் என்பது கிடையாது. சிறுவயது முதலே பரதம் கற்றதால், அதுதான் எனக்கு உயிர். இடையில் சில படங்கள் கிடைத்ததால் நடித்தேன். ஆனால் அதன்பிறகு ஏனோ சரியான படங்கள் எதுவும் வரவில்லை. நான் எப்பவும் போல பல்வேறு நாடுகளில் நடந்த டான்ஸ் ஷோ நிகழ்ச்சியில் பங்கேற்று வந்தேன். இப்போதுகூட அமெரிக்காவில் என்னோட டான்ஸ் ஷோ இருக்கு. நல்ல கதை மற்றும் நடிப்பை வெளிப்படுத்தும் விதமான படத்தில் நடிக்க வேண்டும் என்று நினைக்கிறேன். சும்மா வந்து போவதில் எனக்கு விருப்பம் இல்லை. நானா நடிக்க மாட்டேன்றேன், நல்ல படம் கிடைக்கணுமே, இப்போது நடித்து வரும் சரித்திர படமான 'கோச்சடையானில்' எனக்கு நல்ல பெயர் கிடைக்கும் என நம்புகிறேன் என்று கூறியுள்ளார். நம்பிக்கைதானே வாழ்க்கை.......