பாடகி எஸ்.ஜானகியின் பிறந்த நாள் கொண்டாட்டம்!

பின்னணி பாடகிகளில் மிகச் சிறந்த குரல் வளமும், இனிமையாக பழகும் தன்மையும் கொண்ட ஜானகி அம்மா நேற்று தனது 74-வது பிறந்தநாளைக் கொண்டாடினார். தமிழ், தெலுங்கு, கன்னடா, மலையாளம், ஹிந்தி மொழிகளில் பாடல்களைப் பாடி தனது குரலில் ஏராளமானோரை கட்டிப் போட்டுள்ள ஜானகி அம்மா இதுவரை 4 தேசிய விருதுகளை வாங்கியுள்ளார். 31 மாநில அரசு விருதுகளையும், இன்னும் ஏராளமான இதர விருதுகளையும் வென்றுள்ள ஜானகி அம்மா, இன்னும் நீண்ட நெடுங்காலம் வாழ்ந்து பலருக்கும் ஒரு உதாரணமாக இருக்க நாம் இறைவனை வேண்டிக் கொள்கிறோம். செஞ்சுரி அடிக்க வாழ்த்துகள்!