காளகஸ்தி கோவிலில் பிரபுதேவா வழிபாடு: அன்னதானத்துக்கு நிதி வழங்கினார்

பிரபுதேவா இந்தி படங்களில் பிசியாக உள்ளார். ‘எனிபடி கேன் டான்ஸ்’ என்ற படத்தில் தாநாயகனாக நடிக்கிறார். தமிழில் இப்படம் ‘ஆடலாம் பாய்ஸ் சின்னதா டான்ஸ்’ என்ற பெயரில் வருகிறது. 8-ந்தேதி ‘வெள்ளிக்கிழமை’ இருமொழிகளிலும் வெளிவர உள்ளது.

இதையொட்டி பிரபுதேவா காளகஸ்தி கோவிலுக்கு சென்றார். அங்கு ராகு, கேது பூஜை செய்தார். தரையில் அமர்ந்து பயபக்தியுடன் சாமி கும்பிட்டார். பிரபுதேவாவுக்கு பிரசாதங்கள் வழங்கப்பட்டன. வருகிற மகா சிவராத்திரியன்று கோவிலில் அன்னதானம் வழங்குவதற்காக பிரபுதேவா ரூ.1 1/2 லட்சம் நன்கொடையாக வழங்கினார். கோவில் நிர்வாகிகள் அதனை பெற்றுக் கொண்டனர்.