அரசியல்வாதி வீட்டு திருமணத்தில் நடனம் ஆட சல்மான்கானுக்கு ரூ.3.5 கோடி

இந்தி நடிகர் சல்மான்கான் திருமண நிகழ்ச்சி ஒன்றில் நடனமாட ரூ.3.5 கோடி கேட்டுள்ளார். இது டெல்லியில் பிரபலமான அரசியல் தலைவர் ஒருவரின் வீட்டு திருமணம் ஆகும்.

இந்த அரசியல் தலைவர் தனது இல்ல நிகழ்ச்சி ஒவ்வொன்றுக்கும் சினிமா பிரபலங்களை அழைத்து வருவதை வாடிக்கையாக வைத்துள்ளார். அதுபோல் விரைவில் நடக்க உள்ள திருமண நிகழ்ச்சியிலும் சல்மான்கானை அழைத்து வந்து நடனம் ஆட வைக்க விரும்பினார்.

சல்மான்கானை அணுகி கேட்டபோது ரூ.3.5 கோடி கேட்டார். அரசியல்வாதியும் அவ்வளவு தொகை கொடுக்க சம்மதித்தார். இதையடுத்து இந்த திருமணத்தில் சல்மான்கான் ஆட உள்ளார்.

தென்னிந்திய நடிகர்கள் ரஜினிகாந்த், கமலஹாசன், சிரஞ்சீவி, மம்முட்டி, மோகன்லால் போன்றோர் இவ்வளவு பெருந்தொகை கொடுத்தாலும் ஆட சம்மதிக்க மாட்டார்கள். ஆனால் இந்தி நடிகர்கள் இதற்கு விதிவிலக்கானவர்கள். பணத்தை மட்டுமே முக்கியமாக பார்க்கின்றனர். பணம் கொடுத்தால் எதற்கும் தயாராக இருக்கிறார்கள்.