விழுப்புரத்தில் மாணவியிடம் உல்லாசம் அனுபவித்து ஏமாற்றிய பேராசிரியர்: பொலீசில் புகார்

விழுப்புரம் அருகே நங்காத்தூர் காலனியை சேர்ந்த பெண் ஒருவர் (வயது 23)
போலீசில் ஒரு புகார் கொடுத்துள்ளார். அதில் அவர் கூறியிருப்பதாவது:

எனது வீட்டின் அருகே வசித்து வரும் ஆரோக்கிய வினோத்பிலிம்ஸ் (25)
பி.எச்.டி. பட்டம் படித்தவர். இவர் திருவள்ளூர் மாவட்டம் சூணாம்பேடு அருகே
கீழச்சேரியில் உள்ள ஒரு தனியார் கல்லூரியில் பேராசிரியராக வேலைபார்த்து
வருகிறார்.

நானும், அவரும் கடந்த 2 வருடங்களாக நெருங்கி பழகினோம். அப்போது என்னை
திருமணம் செய்து கொள்வதாக வாக்குறுதி அளித்து என்னிடம் உல்லாசம்
அனுபவித்தார். தற்போது நான் காதலர் ஆரோக்கிய வினோத் பிலிம்சிடம் என்னை
திருமணம் செய்து கொள்ளும்படி கூறினேன். அவர் மறுத்து விட்டார்.

இதுகுறித்து அவரது தந்தை டோம்னிக் சேவியரிடம் சென்று நடந்த சம்பவத்தை
கூறி திருமணம் செய்து வைக்கும்படி கேட்டேன். ஆனால் அவர் எனக்கு கொலை
மிரட்டல் விடுத்தார். இவ்வாறு அவர் அந்த புகாரில் கூறியுள்ளார்.

அதன்பேரில் கஞ்சனூர் போலீசார் பேராசிரியர் ஆரோக்கியவினோத் பிலிம்ஸ்,
அவரது தந்தை டோம்னிக் சேவியர் ஆகியோர் மீது வழக்கு பதிவு செய்து
ஆரோக்கியவினோத் பிலிம்சை கைது செய்தனர். மேலும் விசாரணைநடந்து வருகிறது.

புகைப்படம்: சித்தரிக்கப்பட்டது