வெஜிடபிள் ரவா இட்லி

தேவையான பொருட்கள்:

பம்பாய் ரவை-1 டம்ளர்
தயிர்-2 டம்ளர்
நறுக்கிய கேரட், பட்டாணி-1 கப்
சின்ன வெங்காயம் (நறுக்கியது) -1/2 கப்
பச்சை மிளகாய்- 1
கடலைப்பருப்பு- 2 டீஸ்பூன்
உளுத்தம்பருப்பு- 1 டீஸ்பூன்
கடுகு- 1/2 டீஸ்பூன்
முந்திரிப்பருப்பு- 5
கொத்தமல்லி இலை - சிறிதளவு
எண்ணெய்-2 டீஸ்பூன்
உப்பு- தேவைக்கு

செய்முறை:

* வாணலியில் சிறிது எண்ணெய் விட்டு ரவையை நன்கு சிவக்க வறுத்து, ஒரு பாத்திரத்தில் தனியே எடுத்து வைத்துக் கொள்ளவும்.

* வாணலியில் சிறிது எண்ணெய் விட்டு கடுகு, உளுத்தம்பருப்பு, கடலைப்பருப்பு, முந்திரிப்பருப்பு தாளித்து, அத்துடன் நறுக்கிய வெங்காயம், பச்சை மிளகாய், காய்கறிகள் சேர்க்கவும்.

* இந்த கலவையை வதக்கி, வறுத்த ரவையில் கொட்டி தேவையான அளவு உப்பு சேர்க்கவும்.

* பின்பு தயிர் 2 டம்ளர் சேர்த்து ரவா இட்லி மாவு கலவை தயார் செய்து கொள்ளவும்.

* தேவைப்பட்டால் அரை கப் தண்ணீர் சேர்த்து கட்டி இல்லாமல் கரைத்து இட்லி தட்டுகளில் எண்ணெய் தடவி, சிறிது கொத்தமல்லி இலை போட்டு அதன்மேல் ரவை கலவையை ஊற்றி ரவா இட்லிகள் தயாரிக்கவும்.

(கேரட், பட்டாணி தவிர வேறு காய்கறிகள் சேர்க்கத் தேவையில்லை.)