லட்சுமிராய் வாய்ப்பை பறித்தேனா? : நிகிதா பதில்

கார்த்தி படத்தில் லட்சுமிராய்க்கு கிடைக்க இருந்த வாய்ப்பை பறித்தாரா என்பது குறித்து நடிகை நிகிதா விளக்கம் அளித்தார். கார்த்தி, அனுஷ்கா நடிக்கும் அலெக்ஸ் பாண்டியன் படத்தில் நடிக்கிறார் நிகிதா. அவர் கூறும்போது, ‘கிறிஸ்துமசுக்கு நியூயார்க் செல்கிறேன். அங்குதான் கிறிஸ்துமஸ் கொண்டாடுகிறேன். முரண் படத்தில் நடித்த பிறகு கன்னடம், தெலுங்கில் பிஸியாகிவிட்டேன். இதனால் தமிழ் படங்களில் நடிக்க முடியாமல் இருந்தது. ‘அலெக்ஸ் பாண்டியன்’ மூலம் மீண்டும் தமிழுக்கு வருகிறேன்.

கன்னடம் உள்ளிட்ட தென்னிந்திய படங்களில் நடிக்க நிறைய வாய்ப்பு வருகிறது. ஆனால், அதையெல்லாம் வெயிட்டிங் லிஸ்ட்டில் வைத்திருக்கிறேன். அடுத்து எந்த படத்தில் நடிப்பது என்று நியூயார்க்கில் இருந்து திரும்பிய பிறகுதான் முடிவு செய்வேன். நடிப்பில் இருந்து கொஞ்சம் ஓய்வு எடுத்துக்கொள்ளவே இந்த இடைவெளி விட்டிருக்கிறேன். தமிழில் நடித்துள்ள ‘அலெக்ஸ் பாண்டியன்’ பட புரமோஷன் வேலைகள் நடந்து வருகிறது. அந்நிகழ்ச்சிகளில் பங்கேற்பேன். இப்படத்தில் லட்சுமி ராய் நடிக்கவிருந்த பாத்திரத்தை நான் பறித்துவிட்டதாக கூறுகிறார்கள். அதில் உண்மை இல்லை.