வில்லன் இமேஜ் ரகுமான் வருத்தம்

சென்னை : தமிழ் சினிமாவில் வில்லன் இமேஜில் சிக்கிக்கொண்டேன் என்று ரகுமான் வேதனையுடன் கூறினார். அவர் மேலும் கூறியதாவது: தமிழ், மலையாளம், தெலுங்கில் நூற்றுக்கும் மேற்பட்ட படங்களில் நடித்து விட்டேன். சந்தோஷமான சினிமா வாழ்வில் ஒரு விஷயம் மட்டும் உறுத்திக் கொண்டே இருக்கிறது. அது, தமிழ் சினிமாவில் நான் வில்லன் இமேஜில் சிக்கிக் கொண்டதுதான்.

தமிழில் ஹீரோவாக நடித்துக் கொண்டிருந்தபோது ‘எதிரி’ படத்தில் வில்லனாக நடித்தேன். அது ரசிகர்களுக்கு பிடித்துவிட்டதால், தொடர்ந்து அதே போல வாய்ப்பு வந்து வில்லன் இமேஜ் ஏற்பட்டுவிட்டது. இப்போதும் மலையாளத்தில் ஹீரோவாகத்தான் நடிக்கிறேன். ஆனால் தமிழில் வில்லனாக தொடர்கிறேன். இல்லை என்றால் வாய்ப்பு கிடைக்காது. தற்போது, தமிழில் ‘சிங்கம்,2’, ‘என்னமோ நடக்குது’ படங்களில் வில்லனாக நடித்து வருகிறேன்.