யாழில் ஒருவாரத்தில் மட்டும் 5 பாலியல் வன்புணர்வுச் சம்பவங்கள்!

sexual abused in jaffna

யாழ். குடாநாட்டில் கடந்த ஒரு வாரத்தில் 24 லட்சம் பெறுமதியான பொருட்கள், நகைகள் கொள்ளையிடப்பட்டுள்ளதுடன், சுமார் 5 பாலியல் வல்லுறவுச் சம்பவங்களும் இடம்பெற்றிருப்பதாக தெரிவிக்கப்படுகின்றது.

கொள்ளைச் சம்பவங்கள் யாழ்.நகர், மானிப்பாய் ஆகிய பிரதேசங்களில் இடம்பெற்றுள்ளதாக தெரிவித்துள்ள யாழ்.பொலிஸார் இதுவரை குற்றவாளிகள் எவரும் கைதுசெய்யப்படவில்லை எனத் தெரிவித்திருக்கின்றனர்.

இதேவேளை 5 பாலியல் வல்லுறவுச் சம்பவங்கள் இடம்பெற்றிருக்கின்றன. இதில் 2 சிறுமிகள் அவர்களது தந்தையராலேயே வல்லுறவுக்குட்படுத்தப்பட்டிருப்பதாக தெரிவிக்கப்படுகின்றனர் என்ற பரபரப்பான தகவலையும் பொலிஸார் வெளியிட்டுள்ளனர்.

இதில் யாழ். நகரை அண்டியுள்ள கொன்வென்ற் பாடசாலைக்கு அண்மையில் 17வயது சிறுமி அவருடைய தந்தையால் வல்லுறவுக்குட்படுத்தப்பட்டிருக்கின்றார். இந்நிலையில் குறித்த சிறுமி 3 மாத கர்ப்பிணியாக இருந்த நிலையில் விடயம் வெளியாகியுள்ளது.

இதேபோல் நல்லூர் கோவில் வீதியில் 12வயது சிறுமி அவரது தந்தையாரால் பாலியல் வல்லுறவுக்குட்படுத்தப்பட்டிருக்கின்றார். இதேவேளை இந்த இரு சம்பவங்களுடனும் தொடர்புடைய தந்தையர்கள் தலைமறைவாகியுள்ளனர்.

ஏனைய மூன்று சம்பவங்களிலும் காதல் தொடர்புகளால் சிறுமிகள் பாலியல் பலாத்காரத்திற் குட்படுத்தப்பட்டுள்ளதுடன், விடயத்துடன் தொடர்புடைய நபர்கள் தலைமறைவாகியிருக்கின்றனர்.