விஜய் சேதுபதியின் சூது கவ்வும்

சென்னை: ‘அட்ட கத்தி’, ‘பீட்சா’ படங்களை தொடர்ந்து திருக்குமரன் என்டர்டெயின்மென்ட் சார்பில் சி.வி.குமார் தயாரிக்கும் படம், ‘சூது கவ்வும்’.

விஜய் சேதுபதி, சஞ்சிதா ஷெட்டி, எம்.எஸ்.பாஸ்கர் உட்பட பலர் நடிக்கின்றனர். ஒளிப்பதிவு, தினேஷ் கிருஷ்ணன். இசை, சந்தோஷ் நாராயணன்.
நலன் குமாரசாமி இயக்குகிறார்.
இதில் நடிப்பது பற்றி விஜய் சேதுபதி கூறியதாவது: இந்தப் படத்தின் திரைக்கதை புதுமையாக இருக்கும். கிரைம் கதையில் காமெடி கலந்தால், ரசிகர்களுக்கு புது அனுபவமாக இருக்கும். இதை ‘பிளாக் காமெடி’ என்பார்கள். பிளாஷ்பேக் உத்தியில் காட்சிகளை நகர்த்தாமல், ஒரு காட்சி முடிந்ததும் அது எப்படி தொடங்கியது என்பதற்கான ‘இன்டர் கட் ஷாட்’டுகள் இடம்பெறும். படம் பார்க்கும்போது உணர்ந்து ரசிக்க முடியும். எனது கேரக்டர் பற்றி இப்போதே சொன்னால் சுவாரஸ்யம் போய்விடும். சென்னையில் ஷூட்டிங் நடக்கிறது.