மர்லின் மன்ரோ 'ஆபாச படம்' ஏலம் போகவில்லை

ஒரு காலத்தில் ஹாலிவுட் கனவுக் கன்னியாகத் திகழ்ந்த மறைந்த நடிகை மர்லின் மன்ரோ சிறு வயதில் நடித்த 'ஆபாச படம்' என்று கூறப்படும் வீடியோ அர்ஜெண்டினாவில் ஏலத்தில் விற்கத் தவறியது.

எட்டு மில்லி மீட்டர் படச்சுருளில் கருப்பு வெள்ளையில் ஆறு நிமிடங்கள் ஓடக்கூடிய இந்த வீடியோவுக்கு அர்ஜெண்டினாவின் பெஸோ நாணயத்தில் குறைந்தது இரண்டு மில்லியன் வேண்டும் என அரிய பொருட்களை சேகரித்துவருபவரான மிகெல் பர்ஸாஎதிர்பார்த்திருந்தார்.

தான் பெற்றுள்ள அந்த வீடியோ 1946 அல்லது 47ஆம் ஆண்டு எடுக்கப்பட்டது என்று பர்சா கூறுகிறார்.

"இந்த வீடியோவில் வரும் பெண்ணுக்கு மர்லின் மன்ரோவின் சாயல் கூட இல்லை"

ஆதண்டிக் பிராண்ட்ஸ் குரூப் எனப்படும் அந்த அமைப்பைச் சேர்ந்த நான்ஸி கார்ல்சன்

சிறு வயதில் ஏழ்மையில் வாடியும் பட வாய்ப்புகள் தேடியும் வந்த சமயத்தில்நோர்மா ஜீன் பேகர் என அப்போது அறியப்பட்ட மர்லின் மன்ரோ அந்த வீடியோவில் ஆபாசக் காட்சியில் நடித்துள்ளார் என அவர் தெரிவிக்கிறார்.

ஆனால் இது போலி வீடியோ என்று மர்லின் மன்ரோ பற்றிய தகவல்களை பாதுகாத்துவரும் அமைப்பு கூறுகிறது. இந்த வீடியோவில் வரும் பெண்ணுக்கு மர்லின் மன்ரோவின் சாயல் கூட இல்லை என ஆதண்டிக் பிராண்ட்ஸ் குரூப் எனப்படும் அந்த அமைப்பைச் சேர்ந்த நான்ஸி கார்ல்சன் கூறுகிறார்.

இருந்தாலும், மர்லின் மன்ரோவின் பெயரும் படங்களும் வருடந்தோறும் பல மில்லியன் டாலர்களைப் பெற்றுத் தரும் நிலையில், அவரின் பெயருக்கு களங்கம் வராமல் பார்த்துக்கொள்வதில் உள்ள நன்மை கருதி இந்த அமைப்பு தனது வீடியோவை போலி என்று கூறுகிறது என பர்சா வாதிடுகிறார்.

இவர்கள் போலி என்று கூறிவிட்டதால்தான் தான் வைத்துள்ள வீடியோ ஏலம் போகத் தவறியது என்று அவர் தெரிவிக்கிறார்.