ராதாமோகனின் புதிய ஹீரோ

ராதாமோகனின் இரு மொழிப்படமான கௌரவத்தை நாகார்ஜுன் தயா‌ரிப்பதாகவும், அவரது மகன் நாக சைதன்யா நடிப்பதாகவும் இருந்தது. தற்போது படத்தயா‌ரிப்பு பிரகாஷ்ரா‌ஜின் டூயட் மூவிஸுக்கு கைமாறியிருக்கிறது. ஹீரோவும் மாறியிருக்கிறார்.

ராதாமோகன் தனது முந்தையப் படமான பயணத்தை தமிழ், தெலுங்கில் எடுத்தார். அடுத்தப் படத்தையும் இரு மொழிகளில் எடுக்கிறார். கௌரவம் என பெயர் வைக்கப்பட்டிருக்கும் இந்தப் படத்தில் தற்போது சிரஞ்சீவியின் உறவினரும் நடிகர் அல்லு அர்ஜுனின் சகோதரருமான அல்லு ஷ்‌ரிஷ் நடிக்கிறார். இரு மொழிகளிலும் இவரே ஹீரோ.

ஹீரோயினாக விக்கி டோன‌ரில் அறிமுகமான எமி குப்தா நடிக்கிறார்.