சம்பளத்தை உயர்த்திய சிம்பு

படத்திற்குப் படம் வசூல் பின் தங்கினாலும் நடிகர்களின் சம்பளம் மட்டும் குறைவதில்லை. படத்துக்குப் படம் அதுபாட்டுக்கு உயர்ந்து கொண்டேயிருக்கும்.

சூர்யாவின் சம்பளம் 15 கோடிக்கும் மேல் என்கிறார்கள். மங்காத்தாவுக்கு அ‌ஜீத்துக்கும் அதே அளவு சம்பளம் தரப்பட்டதாம். விஜய்யும் இவர்களுக்கு குறையாமல் கோடிகளில் புரள்கிறார். சிம்புவின் சம்பளம் ஆறு கோடி.

இவ‌ரின் கடைசி இரு படங்களான வானம், ஒஸ்தி இரண்டும் டமால். இருந்தும் தனது சம்பளத்தை பத்து கோடிக்கு உயர்த்தியிருக்கிறாராம். வேட்டை மன்னனில் ஆறு வாங்கியவர் வாலுக்கு பத்து வாங்கியிருப்பதாக காற்றுவாக்கு செய்திகள் தெ‌ரிவிக்கின்றன. ஒருவேளை வானமும், ஒஸ்தியும் ஜெயித்திருந்தால்.

சிம்புக்கு சம்பளம் தர கண்டெய்னர் தேவைப்பட்டிருக்கும்.