படம் இயக்க வருகிறார் ரத்னவேலு

கேமராவுக்குப் பின்னால் இருந்து பார்த்துப் பார்த்து பூ... இவ்வளவுதானே என்றொரு எண்ணம் எல்லா கேமராமேனுக்கும் வந்துவிடும். அடுத்து என்ன... இயக்குனர் அவதாரம்தான்.

ஏற்கனவே அரை டஜனுக்கும் மேல் கேமராமேன்கள் ஆக்சன் கட் சொல்லிக் கொண்டிருக்கிறார்கள். இந்த ட்ராஃபிக் ஜாமில் தனது வண்டியையும் ஸ்டார்ட் செய்கிறார் எந்திரன் படத்தின் ஒளிப்பதிவாளர் ரத்னவேலு.

சமீபத்தில்தான் ரவி.கே.சந்திரன் படம் இயக்குவதில்லை என்ற சபதத்தை கலைத்து யான் என்ற படத்தை ‌ஜீவாவை வைத்து தொடங்கியிருக்கிறார். ரத்னவேலு கொஞ்சம் லேட். ஸ்கி‌ரிப்ட் வேலைகள் இப்போது நடக்கிறது. முடிந்ததும் ஹீரோ செலக்சன்.

தமிழில் ஹ‌ரிதாஸ், இந்தியில் டேவிட், தெலுங்கில் மகேஷ்பாபு படம் என்று மொழிக்கு ஒரு படத்தில் பிஸியாக இருப்பவருக்கு ஸ்கி‌ரிப்ட் எழுத எப்படி நேரம் கிடைக்கிறதோ. ஆச்ச‌ரியம்தான் இல்ல...?
ஒளிப்பதிவாளர் ரத்னவேலு