கிளைமாக்ஸுக்கு வந்த இரண்டாவது படம்

தமிழ்ப் படத்தை எடுத்த சி.எஸ்.அமுதனின் இரண்டாவது படம்... இரண்டாவது படம். சிலரைப் போல் டைட்டில் வைக்க தலையை பிய்க்காமல் இரண்டாவது படத்துக்கு இரண்டாவது படம் என்றே பெயர் வைத்திருக்கிறார்.

அரவி‌‌‌ந்த் ஆகாஷ், விமல், ‌ரிச்சர்ட் நடிக்கும் இந்தப் படம் அதன் கிளைமாக்ஸை எட்டியிருக்கிறது. சமீபத்தில் புதுச்சே‌ரி தெருக்களில் இதன் கிளைமாக்ஸ் சண்டைக் காட்சி படமாக்கப்பட்டது. அரவிந்த் ஆகாஷுடன், ரம்யா நம்பீஸனும் இந்தப் படப்பிடிப்பில் கலந்து கொண்டார்.

இந்தப் படத்தில் விஜயலட்சுமி, சஞ்சனா சிங் ஆகியோரும் முக்கிய வேடத்தில் நடித்துள்ளனர். விஜய் உலகநாதன் ஒளிப்பதிவு செய்திருக்கும் இப்படம் செப்டம்ப‌ரில் வெளியாகிறது.
இரண்டாவது படம், சிஎஸ் அமுதன்