ஸ்டண்ட் வா‌ரிசு நடிக்கும் நதிகள் நனைவதில்லை

ஜாக்குவார் தங்கம் தனது மூத்த மகனுக்கு சண்டை சொல்லிக் கொடுத்த தை‌ரியத்தில் ஒரு படம் எடுத்தார். அவரே இயக்குனர். பையன் பறந்து பறந்து அடித்தான், தலைகீழாக தொங்கினான், ஆயச் சண்டைகள் அறுபத்துநான்கையும் காட்டினான். ‌ரிசல்ட், படம் இரண்டு நாள் ஓடியது. பாருங்கள் நமக்கே பையனின் பெயர் தெ‌ரியவில்லை.

சண்டைக் கலைஞரல்லவா. ஒருமுறை விழுந்தாலும் எழுந்து வருவார். இதோ அவ‌ரின் இரண்டாவது மகன் ஜெய்‌ஜித் ஹீரோவாகிறார். இந்தமுறை உஷாராக இயக்கும் பொறுப்பை இன்னொருவ‌ரிடம் தந்து தந்தைக்கு லட்சணமாக ஒதுங்கிவிட்டார். நதிகள் நனைவதில்லை என்று பெய‌ரிட்டிருக்கும் அந்தப் படம் முதல் மகனின் படம் போல குய்யோ முறையோ கிடையாது. அழகான காதல் கதையாம்.

ஜெய்‌ஜித்துக்கு ஜோடி சுனேனா.

நீர்ப்பறவைக்காக கடலில் குளித்தவர் அடுத்து நதியில் நனையப் போகிறார். எல்லோருக்கும் தண்ணீர் கண்டம் என்றால் இவருக்கு மட்டும் கொண்டாட்டம் போலிருக்கிறது.
ஜாக்குவார் தங்கம், ஜெய்ஜித்