மிரள வைத்த ஜேம்ஸ்பாண்ட்

அதற்குள் படம் பார்த்து விமர்சனமா என்று புருவத்தை தூக்கியவர்கள் அப்படியே இறக்கிவிடுங்கள். இது விமர்சனமல்ல, வியப்பு.

லண்டனை தெ‌ரியாதவர்களுக்கு கூட இங்கிலாந்து உளவாளி ஜேம்ஸ்பாண்டை தெ‌ரியும். ராணி காமிக்ஸுக்குதான் நன்றி சொல்ல வேண்டும். 1984-ல் முதல் ராணி காமிக்ஸ் அழகியைத்தேடி வெளிவந்தது. ஜேம்ஸ்பாண்ட் தமிழகத்தின் பெரும்பாலான சிறுவர்களுக்கும், பெ‌ரியவர்களுக்கும் அறிமுகமானது அப்போதுதான். ச‌ரி, பழசைவிட்டு மேட்டருக்கு வருவோம்.

இன்று ஸ்கைஃபால் வெளியாகியிருக்கிறது. தமிழ்நாட்டில் மட்டும் 300 பி‌ரிண்ட்கள். இதில் 240ல் பாண்ட் தமிழில் பேசுகிறார், மீதி அறுபது ஆங்கிலத்தில். இன்றைய நாளிதழ் பார்த்தவர்களுக்கு அதிர்ச்சியாகவும் ஆச்ச‌ரியமாகவும் இருந்திருக்கும். சென்னை புறநக‌ரில் உள்ள மாயஜால் தினம் 40 ஷோக்கள் போடுவது என முடிவு செய்திருக்கிறதாம். மாற்றானுக்கே இத்தனை இல்லை.

உளவாளிகள் முன்பு ரகசியமாக ஊடுருவினார்கள். இப்போது வெளிப்படையாக. தமிழ் சினிமாக்காரர்கள் ஜாக்கிரதையாக இருப்பது நல்லது.
ஜேம்ஸ்பாண்ட், ஸ்கைஃபால்