போடா போடிக்கு யு

சொன்னபடி தீபாவளிக்கு போடா போடி தயார். துப்பாக்கி வெளியாவதால் போடா போடி தள்ளிப் போகும் என்று கடைசிவரை நம்பிக் கொண்டிருந்தனர். அந்த நம்பிக்கையை தகர்த்து தன்னம்பிக்கையுடன் தீபாவளிக்கு படம் வெளியாகிறது.

தமிழ் சினிமாவில் போடா போடி ஒரு யுனிக் படம். நடனத்தை அடிப்படையாகக் கொண்டது. அதனால்தான் நடனத்தில் பயிற்சி பெற்ற வரலட்சுமியை ஹீரோயினாக நடிக்க வைத்தனர். படத்தின் பெரும்பகுதி வெளிநாடுகளில் படமாக்கப்பட்டுள்ளது. இல்லை முழுக்கவே அங்குதான் என்றும் சொல்கிறார்கள்.

தரண் இசையமைத்திருக்கும் இந்தப் படத்தின் கிளைமாக்ஸ் நடனத்தில் முடிகிறது. போட்டி நடனம்தான் கிளைமாக்சாம். எண்பதுகளில் இது சாதாரணம். இன்று...? அதுதான் யுனிக் என்றோம்.

ஷோபனா இதில் டான்ஸராக வருகிறார். நீண்ட நாட்களுக்குப் பின் திரையில் ஷோபனா. விக்னேஷ் சிவா என்ற புதியவர் இயக்கம். சென்சார் படத்துக்கு க்ளீன் யு தந்துள்ளது.

போடா போடி வித்தியாசமான அனுபவத்தை தரும் என்று நம்புவோம்.
போடா போடி, துப்பாக்கி, தீபாவளி