யுகே, யுஎஸ்ஸில் போடா போடி வசூல் நிலவரம்

இங்கு வெளியான அதேநாள் யுகே, யுஎஸ்ஸில் போடா போடி வெளியானது. அந்நிய மண்ணில் நடக்கும் கதை. வெளிநாட்டில் வசிப்பவர்களுக்கு பரிட்சயமான பாலே நடனம். அவர்கள் எதிர்கொள்ளும் அதே கலாச்சார சிக்கல்கள். சரி, இந்தப் படத்தை அந்நிய மண்ணில் வாழும் தமிழர்கள் எப்படி வரவேற்றிருக்கிறார்கள்?

யுகே யில் முதல்வார இறுதியில் அதாவது 16 ஆம் தேதி முதல் 18 ஆம் தேதிவரை இப்படம் ஒன்பது திரையிடல்களில் 2,0250 பவுண்ட்கள் வசூலித்துள்ளது. நமது ரூபாய் மதிப்பில் சுமார் 17.74 லட்சங்கள். நிச்சயமாக இது நல்ல வசூல் அல்ல. சுமாரான வசூலில் சேர்க்கலாம்.

யுஎஸ் ஸில் அதே மூன்று தினங்களில் 1,746 அமெரிக்க டாலர்கள் வசூலித்துள்ளது. நான்கு திரையிடல்களில் இந்த வசூலை போடா போடி பெற்றிருக்கிறது. நமது ரூபாய் மதிப்பில் 96,139 ரூபாய்கள் மட்டும் (இது உத்தேச கணக்கு. இதைவிட சற்று அதிகமிருக்க வாய்ப்புள்ளதாக தெரிவிக்கிறார்கள்).

போடா போடியை குறைவான திரையரங்குகளில் திரையிட்டார்களா? சரியாக பிரமோட் செய்யவில்லையா?

வெளிநாட்டைப் பொறுத்தவரை போடா போடி சராசரிக்கும் குறைவான வசூலையே பெற்றுள்ளது.