டைரக்சனுக்கு வருகிறார் ரத்னவேலு

லைட் செய்து, ஷாட் வைத்து மாங்கு மாங்கென்று வேலை பார்த்தால் ஒன்றோ ஒன்றரை கோடியோ கையில் தந்து இயக்குனர் படத்தைப் பற்றி பெருமை பேச ஒளிப்பதிவாளரை செட் பிராப்பார்ட்டியாக பக்கத்தில் உட்கார வைப்பார்கள். நாலைந்துமுறை செட்பிராப்பர்ட்டியாக பயன்படுத்தப்பட்ட பிறகு பொறி தட்டும். ஒரேயொரு ஸ்கிரிப்ட். அது இருந்தால் இயக்குனர் சீட்டே நமக்குதானே. இந்த சுய தொழில் சிந்தனை வந்த பிறகு யாருக்கும் சும்மாயிருக்க முடியாது.

பி.சி.ஸ்ரீராம், சந்தோஷ் சிவன், ராஜிவ் மேனன், கே.வி.ஆனந்த், ரவி.கே.சந்திரன் வரிசையில் எந்திரன் படத்தின் ஒளிப்பதிவாளர் ரத்னவேலும் இயக்குனர் ஆகிறார். அதற்கான பூர்வாங்க வேலைகள் ஆரம்பித்திருக்கின்றன.

ரவி.கே.சந்திரன் ஜீவா, துளசி நடிக்க யான் என்ற படத்தை இயக்குகிறார். என்றாலும் ஒளிப்பதிவாளர்களுக்கு சூர்யா மீதுதான் மோகம். ரத்னவேலும் அவரிடம் கால்ஷீட் கேட்டிருப்பதாக தகவல்.

விரைவில் படத்தைக் குறித்த அதிக விவரங்களை எதிர்பாருங்கள்.
ஒளிப்பதிவாளர் ரத்னவேலு