கடல் - அறிவிப்புக்கு முன்பே கடைக்கு வந்த ஆடியோ

மணிரத்னம் இயக்கியிருக்கும் கடல் படத்தின் இரு பாடல்கள் வெளியான நிலையில் மொத்தப் பாடல்கள் அடங்கிய சிடி-கள் 17ஆம் தேதி விற்பனைக்கு வரும் என்று தெ‌ரிவித்தனர். எதிர்பார்ப்பை உடைப்பதில் மணிரத்னத்துக்கு தனி ஆனந்தம்.

17ஆம் தேதிக்கு வெளியாவதாகச் சொல்லப்பட்ட ஆடியோ இரண்டு நாட்கள் முன்பு 15ஆம் தேதியே வெளியாகியிருக்கிறது.

தொடக்கவிழா பூஜை, ஆடியோ விழா ஃபங்ஷன், படத்தின் வெற்றிவிழா என அர்த்தமற்ற பரஸ்பரம் சொறி‌ந்துவிடுகிற விழாக்களை மணிரத்னம் ஆத‌ரிப்பதில்லை. இந்த விழாக்கள் ஏதுமின்றியே அவரது படங்கள் இன்றுவரை வெளியாகியிருக்கின்றன.

அந்தவகையில் கடல் படமும் பூஜையின்றி தொடங்கப்பட்டு விழா எதுவுமின்றி 17ஆம் தேதி நேரடியாக படத்தின் ஆடியோவை கடைகளில் வாங்கிக் கொள்ளலாம் என்றனர். இன்ப அதிர்ச்சியாக இரண்டு நாள் முன்பு 15ஆம் தேதியே படத்தின் ஆடியோ விற்பனைக்கு கடைகளில் வந்திருக்கிறது.

மணிரத்னம், ரஹ்மான் ரசிகர்களை இந்த எதிர்பாராத இன்ப அதிர்ச்சி ஆச்ச‌ரியப்படுத்தியிருக்கிறது.
கடல் ஆடியோ, மணிரத்னம், ரஹ்மான்