சமுத்திர‌க்கனியின் சொந்தப் படம்

இயக்குனர் பிரபுசாலமன் தயாரிப்பில், சமுத்திரக்கனி நடித்த படம் சாட்டை. அப்படத்தை இயக்கியவர் அன்பழகன். ஓரளவுக்கு நல்ல படம் என பெயரெடுத்தது.

அவர் தற்போது சமுத்திரக்கனியின் சொந்த நிறுவனமான ஃபிலிம் பார்மர்ஸு‌ம், ஸ்டுடியோ நைன் நிறுவனம் சுரேஷுடன் சேர்ந்து தயாரிக்கும் புதுப் படத்தை தற்போது இயக்கவிருக்கிறார் அன்பழகன்.

குடும்பப் பின்னணியில், அழகான காதல் கதை ஒன்றை சொல்ல, உடனே படத்தை ஆரம்பித்து விட்டார் கனி. தற்சமயம் நாயகன் - நாயகி மற்றும் துணை நடிகர்களுக்கான தேர்வு நடைபெற்று வருகிறது.

பெரும்பாலும் புது முகங்களே நடிக்கயிருக்கின்றனர். பிப்ரவரியில் படப்பிடிப்பு தொடங்கவிருக்கிறது.
சமுத்திரக்கனி, சாட்டை அன்பழகன்