பா ஜ க, ஆர் எஸ் எஸ் பயங்கரவாதத்தை வளர்க்கின்றன: ஷிண்டே தாக்குதல்

இந்தியாவின் முக்கிய எதிர்க்கட்சியான பாரதீய ஜனதாவும்,
அதன் சகோதர அமைப்பான இந்து தேசியவாத ஆர் எஸ் எஸ் அமைப்பும், நாட்டில்
பயங்கரவாதத்தை ஊக்குவிப்பதாக இந்தியாவின் உள்துறை அமைச்சர் சுஷில் குமார்
ஷிண்டே குற்றம்சாட்டியுள்ளார்.

பயங்கரவாத முகாம்கள் என்று குறிப்பிட்டு இப்படியான
முகாம்களை பா ஜ க வும் ஆர் எஸ் எஸ்ஸும் நடத்திவருகின்றன என்பதற்கு
ஆதாரங்கள் கிடைத்துள்ளதாக ஜெய்பூரில் நடந்த காங்கிரஸ் கூட்டத்தில் ஷிண்டே
தெரிவித்தார்.

காங்கிரஸின் இந்தக் குற்றச்சாட்டை பாஜகவும் ஆர் எஸ் எஸ்ஸும் வன்மையாக மறுத்துள்ளன.

ஷிண்டேவின் குற்றச்சாட்டு ஆதாரமற்றது என்றது என்றும் வம்பிழுக்கும் விதமானது என்றும் பாஜக சார்பாகப் பேசவல்லவர் தெரிவித்துள்ளார்.

இந்தியாவில் நடந்த பெரும்பாலான குண்டுத் தாக்குதல்
சம்பவங்களில் முஸ்லிம் ஆயுததாரிகளே குற்றம்சாட்டப்பட்டுள்ளனர் என்றாலும்,
கடந்த சில ஆண்டுகளில் நடந்த தாக்குதல்களில் இந்து ஆயுததாரிகளும்
குற்றச்சாட்டப்பட்டுள்ளனர் என்று செய்தியாளர்கள் கூறுகின்றனர்.