இரா. ஜனார்த்தனம் காலமானார்

உலகளவில் தமிழர்கள் மத்தியில் பரவலாக அறியப்பட்டவரும், குறிப்பிடத்தகுந்த தமிழ் ஆர்வலருமான டி ஆர் ஜனார்த்தனம் இன்று(20.2.13) சென்னையில் காலமானர்.

அவருக்கு வயது 75. அவர் சில காலம் நோய்வாய்ப்பட்டிருந்தார்.

தமிழுக்காக பல்வேறு தளங்களில் அவர் பணியாற்றி வந்தார்.

1965 ஆம் ஆண்டு ஹிந்தி எதிர்ப்பு போராட்டத்திலும் பங்கு பெற்ற அவர், திமுக நிறுவனர் அண்ணாதுரையின் நாடகங்கள் குறித்து ஆய்வு செய்து முனைவர் பட்டம் பெற்றவர்.

விடுதலைப் புலிகள் இயக்கத் தலைவர் பிராபகரன் உள்ளிட்ட பலரை தமிழகத்துக்கு முதல் முறையாக அழைத்து வந்தவர் ஜனார்த்தனம் அவர்கள்தான் என்பதும் குறிப்பிடத்தகுந்தது.