மின்னும் தங்க நகை அணிய வேண்டுமா?

தங்க நகை என்றாலே பெண்களுக்கு குதூகலம் தான்! புதிய நகைகளை வாங்குவதிலும், அதை அணிந்து பார்த்து மகிழ்வதிலும் அலாதியான பிரியம் கொண்டவர்கள் பெண்கள் தான். அத்தகைய நகையை முறையாக அணிந்தால் அழகு கூடுமல்லவா!!

* நாம் அணியும் நகைகள் நமக்கு அழகை கூட்டுகின்றது என்பதனை முழுமையாக நம்பினால் மட்டுமே அந்த நகை நமக்கு பொருத்தமானதாக தெரியும். இல்லையென்றால், நமக்கு பொருத்தமானதாக தோன்றாது.

* மெலிதான செயினுடன் மெலிதான கைவளையல் அணிந்தால் மிகவும் பொருத்தமானதாக இருக்கும். அதே போல் தான் பட்டையான நெக்லஸோடு பெரிய கைவளையல் அணிந்தால் அட்டகாசமாக பொருந்தும். ஆனால் மாற்றி அணிந்தால் பொருத்தமின்றி தோன்றும்.

* பெரும்பாலானவர்கள் தங்கள் உடைக்கேற்ற நிறத்தில் நகை அணிந்தால் தங்கள் அழகு கூடும் என்று நினைக்கிறார்கள் ஆனால் வெவ்வேறு நிறத்தில் அணிவது தான் மிகவும் பொருத்தமானது.

* சிறிது பெரிய அளவிலான நகை அணிவது வசதியாகவும் இருக்கும், பார்ப்பதற்கு அழகாகவும் இருக்கும். ஆனால் நெக்லஸ், கைவளையல், மோதிரம் போன்றவைகளை இறுக்கமாக அணிந்தால் வசதியாக இருக்கவும் முடியாது, பொருத்தமாகவும் இருக்காது.

* அதிக அளவிலான நகை அணிவது பார்ப்பதற்கு அசிங்கமான தோற்றம் அளிப்பது போல் தோன்றும். பெரும்பாலும் எளிமையான நகைகள் நம் தோற்றத்தை அழகாகவும் எளிமையாகவும் காண்பிக்கும்.

மற்றவர்களின் கருத்துக்களை பற்றி கவலைப் படாமல் உங்களின் விருப்பம் போல் நகை அணிந்து மகிழ்ச்சி அடையுங்கள்.