கோதுமை ரவை புட்டு

என்னென்ன தேவை?

கோதுமை ரவை - 1 கிலோ,
தேங்காய்த் துருவல் - 100 கிராம்,
சர்க்கரை - 50 கிராம்,
ஏலக்காய் தூள் - சிறிது.


எப்படிச் செய்வது?

கோதுமை ரவையை வெறும் கடாயில் வறுத்து, மிக்சியில் ஒரு சுற்று அரைத்து டப்பாவில் போட்டு வைக்கவும். தேவைப்படும் போது, இதில் சிறிது எடுத்து தண்ணீர் தெளித்துக் கைகளால் பிசறி விட்டு, 5 நிமிடங்களுக்கு ஆவியில் வேக வைத்து எடுக்கவும். பிறகு ஒரு தட்டில் கொட்டி, உதிர்த்து விட்டு, தேங்காய்த் துருவல், சர்க்கரை, ஏலக்காய் தூள் கலந்து பரிமாறவும். இனிப்புச் சுவை பிடிக்காதவர்கள், கடுகு, உளுத்தம் பருப்பு, கறிவேப்பிலை, வெங்காயம், பச்சை மிளகாய் தாளித்து, உப்பு சேர்த்து சாப்பிடலாம். இதே முறையில் கம்பு, சோளம், கேழ்வரகிலும் செய்யலாம்.