பரங்கிக்காய் (சர்க்கரைப் பூசணி)பொறியல்

என்னென்ன தேவை?

பரங்கிக்காய் (சர்க்கரைப் பூசணி) - 1/4 கிலோ
பெரிய வெங்காயம் - 1
பச்சை மிளகாய் - 1
கறிவேப்பிலை - 2 கொத்து
எண்ணெய் - 2 தேக்கரண்டி
கடுகு - 1/4 தேக்கரண்டி
கடலைப்பருப்பு - 1/4 தேக்கரண்டி
உளுத்தம்பருப்பு - 1/4 தேக்கரண்டி
பெருங்காயம் - 1 சிட்டிகை
சர்க்கரை - 1/2 தேக்கரண்டி
தேங்காய் துருவல் - 2 தேக்கரண்டி
உப்பு - தேவையான அளவு


எப்படிச் செய்வது?

* பரங்கிக்காயை (சர்க்கரைப் பூசணி) ஒரு இன்ச் அளவுக்கு சீராக நறுக்கிக் கொள்ளவும்.

* பெரிய வெங்காயத்தைப் பொடியாக நறுக்கிக் கொள்ளவும். பச்சை மிளகாயை இரண்டாகப் பிளந்து கொள்ளவும்.


* அடுப்பில் வாணலியை வைத்து எண்ணெய் ஊற்றி காய்ந்ததும், கடுகு போட்டு வெடித்ததும், கடலைப்பருப்பு, உளுத்தம்பருப்பு சேர்த்து தாளித்துக் கொள்ளவும்.


* பின்னர் அதில் நறுக்கிய வெங்காயம், கறிவேப்பிலை, பச்சை மிளகாய் சேர்த்து நன்கு வதக்கவும்.

* அடுத்து நறுக்கி வைத்துள்ள பரங்கிக்காயை போட்டு லேசாக கிளறிவிடவும்.


* இதனுடன் சர்க்கரை, உப்பு, சிறிதளவு தண்ணீர் சேர்த்து லேசாக கிளறி வேக விடவும்


* பரங்கிக்காய் வெந்தவுடன் தேங்காய் துருவலைச் சேர்த்து அடுப்பிலிருந்து இறக்கி வைக்கவும்.

குறிப்பு

1. பரங்கிக்காயில் தண்ணீர் அதிகமாக சேர்த்தால் காய் குழைந்து சுவை மாறிவிடும்.

2. பரங்கிக்காயை அதிகம் கிளறக் கூடாது.