அமலாபாலுடன் என்ன உறவு...? விஜய் பதில்

முன்பு தெய்வததிருமகள் படத்தில் அமலாபாலுவுக்கு சான்ஸ் கொடுத்தீர்கள். அப்போதிலிருந்து, அமலாபாலை உங்களுடன் இணைத்து காதல் கிசுகிசுக்கள் புகைந்தன. நெருப்பில்லாமல் புகையாதே? எனறு இயக்குனர் விஜய்யைக்கேட்டால், நெருப்பில்லாமல் புகையாதுதான். ஆனால் இந்த விசயத்தில் நெருப்பே இல்லாமல்தான் புகைந்துகொண்டிருக்கிறது. என்னைப்பொறுத்தவரை அமலாபால் ஒரு நடிகை. நான் ஒரு டைரக்டர் அவ்வளவுதான். எங்களுக்கிடையிலான உறவும் அப்படித்தான்.

மேலும், தலைவா படத்தில் விஜய்க்கு ஜோடியாக துறுதுறுவென்று ஒரு நடிகை தேவைப்பட்டார். அதற்காக, தீபிகா படுகோனே, சோனம் கபூர் என்று சில இந்தி நடிகைகளிடம் கால்சீட் கேட்டேன். ஆனால் அவர்கள் கால்சீட் தருவதாக சொன்ன தேதிக்குள் நாங்கள் படத்தையே முடித்து விட திட்டமிட்டிருந்தோம்., அப்போது, எங்களது கால்சீட்டுக்கு ஒத்து வர்ற மாதிரி நடிகையாக தேடியபோதுதான் அமலாபால் செட்டாகி வந்தார். அதிலும் விஜய் படம் என்றதும் ஒரு தெலுங்கு படத்தைகூட தியாகம் செய்தார். அப்படித்தான் அமலாபால் இந்த படத்தில் நடிக்க கமிட்டானார். மற்றபடி அவரை நடிக்க வைத்து விடவேண்டும் என்று திட்டமிட்டு எதையும் செய்யவில்லை என்கிறார் விஜய்.