நடிகைகளின் அறுவெறுப்பான கவர்ச்சி சினிமா அசிங்கமாகி விட்டது; இனி நடிக்க மாட்டேன் “காதலர் தினம்” நாயகி சோனாலி பிந்த்ரே பேட்டி

பிரபல இந்தி நடிகை சோனாலி பிந்த்ரே. இவர் காதலர் தினம் படம் மூலம் தமிழக கதாநாயகியாக அறிமுகமானார். “கண்ணோடு காண்பதெல்லாம்” என்ற படத்திலும் நடித்தார். பம்பாய் படத்தில் ஒரு பாட்டுக்கு ஆடியுள்ளார்,. பின்னர் இந்தி இயக்குனரும், நடிகருமான கோல்டிபெல்லை மணந்து சினிமாவை விட்டு ஒதுங்கினார். தற்போது அவர் மீண்டும் நடிக்க வேண்டும் என்று பலர் வற்புறுத்துகின்றனர். ஆனால் அவர் சம்மதிக்கவில்லை.

டெலிவிஷன் நிகழ்ச்சி ஒன்றில் பங்கேற்க வந்த சோனாலியிடம் சினிமாவில் மீண்டும் நடிப்பீர்களா என்று கேட்கப்பட்டது. அதற்கு பதில் அளித்து சோனாலி பிந்த்ரே கூறியதாவது:- சினிமாவில் மீண்டும் நடிக்க திட்டமிட்டேன். ஆனால் திரையுலகில் தற்போதுள்ள சூழ்நிலைகளால் அந்த முடிவு எடுக்க விடாமல் தடுத்து விட்டன. முன்பெல்லாம் அழகை அழகாக காட்டினார்கள். கவர்ச்சியும் ரசிக்கும்படி இருந்தது. நான்கூட கவர்ச்சியாக நடித்துள்ளேன். அதில் ஆபாசம் இருந்தது இல்லை. ஆனால் இப்போது நடிகைகள் ஆடைகளை குறைத்து அறுவெறுப்பாக

ஆபாசமாக நடித்து சினிமா தரத்தை சீர்குலைத்து விட்டனர். கீழ்த்தரமாகவும் அசிங்கமாகவும் ஆகிவிட்டது. என்றாவது இந்த நிலைமை மாறி மீண்டும் சினிமா நல்லாவரும் என்று எதிர்பார்த்தேன். அது நடக்காது போல் இருக்கிறது. திரும்ப திரும்ப தரம் தாழ்ந்த நிலையிலேயே போய்க்கொண்டு இருக்கிறது.

எனவே நான் இனிமேல் நடிப்பதில்லை என்று முடிவு செய்து விட்டேன். நான் கவர்ச்சியாக நடித்தாலும் எல்லை தாண்டவில்லை. இப்போது எல்லாமே எல்லை மீறி போய்விட்டது. இவ்வாறு அவர் கூறினார்.