விக்ரம் படத்தில் ஸ்ரேயா, ரீமாசென் நடனம்

விக்ரம்- தீக்ஷாசேத் ஜோடியாக நடிக்கும் படம் ராஜபாட்டை. சுசீந்திரன் இப்படத்தை இயக்குகிறார். பி.வி.பி. சினிமாஸ் தயாரிக்கிறது. இப்படம் குறித்து சுசீந்திரன் அளித்த பேட்டி வருமாறு:-

ராஜபாட்டை கமர்சியல் படம். விக்ரம் ஜிம்பாய் கேரக்டரில் வருகிறார். மெகா பட்ஜெட்டில் தயாராகியுள்ளது. கிளை மாக்ஸ் காட்சிக்கு ரூ.3 கோடி செலவிட்டதாக வெளியான தகவல் உண்மையல்ல.

அரங்குகள் மற்ற செலவுகளை சேர்த்து ரூ.1 கோடி ஆகியிருக்கலாம். பெரும்பகுதி காட்சிகளை அந்த அரங்கில்தான் எடுத்தோம். விக்ரம் சொன்னதை உடனடியாக புரிந்து பிரமாதமாக நடித்தார்.

அவருடன் பணியாற்றியது மகிழ்ச்சியான அனுபவம். அவருக்கு இன்னும் ஒரு கதை சொல்லி உள்ளேன். விக்ரம் கனவு காண்பது போன்ற பாடல் காட்சியொன்று உள்ளது. இதில் ஸ்ரேயா, ரீமாசென் இருவரும் நடிகைகளாகவே வந்து நடனம் ஆடுகின்றனர். இப்பாடல் காட்சி இத்தாலியில் படமாக உள்ளது. அடுத்து விஷ்ணுவை வைத்து படம் இயக்குகிறேன். எனக்கென்று தனிபாணி கிடையாது. வெண்ணிலா கபடி குழு, நான் மகான் அல்ல என்று வித்தியாசமான கதைகளை படமாக்குவதே திட்டம்.

இவ்வாறு அவர் கூறினார்.