பாகிஸ்தானில் சர்தாரியின் மகன் பிலாவால் தேர்தல் பிரசாரம் தொடங்கினார்

பாகிஸ்தான் அதிபர் சர்தாரியின் மகனான பிலாவால் (24) பாகிஸ்தான் மக்கள் கட்சியின் காப்பாளராக நியமிக்கப்பட்டு இருக்கிறார். இவரையே முன்நிறுத்தி தேர்தல் பிரசாரம் செய்ய கட்சி நிர்வாகிகள் திட்டமிட்டிருந்தார்கள். இதற்கிடையில் தந்தை சர்தாரியும், அவருடைய சகோதரியும் கட்சி விவகாரத்தில் தலையிட்டதால் பிலாவால் கோபித்துக்கொண்டு துபாய் சென்றார். பின்னர் அதிபர் சர்தாரி மேற்கொண்ட சமாதான முயற்சியை அடுத்து பிலாவால் பாகிஸ்தான் திரும்பினார்.

இதனை அடுத்து பிலாவால் இன்று தங்களது குடும்பத்தினர் செல்வாக்கு மிக்க சிந்து மாகாணத்திலுள்ள நவ்டெரோவில் இருந்து தேர்தல் பிரசாரத்தை தொடங்கினார். தனது தாத்தா பூட்டோ, தாய் பெனாசீர் பூட்டோ செய்த சாதனைகளை விளக்கி ஓட்டுப்போடும்படி கோரிக்கை விடுத்தார். கட்சியின் சின்னமான அம்பு ஜனநாயகத்தின் சின்னமாகும் என்றுக்கோரி ஆதரவை கேட்டார். தொடர்ந்து அவர் தேர்தல் பிரசார கூட்டங்களில் பங்கேற்று ஆதரவு திரட்டுவார் என கட்சி நிர்வாகிகள் கூறினர்.