திறமையான நடிகைகளுக்கு கோலிவுட்டில் மதிப்பில்லை: சுனைனா

காதலில் விழுந்தேன் என்ற திரைப்படத்தின் மூலம் தமிழ் திரையுலகிற்கு அறிமுகமானவர் சுனைனா.

தொடர்ந்து மாசிலாமணி, யாதுமாகி, வம்சம், திருத்தணி போன்ற படங்களில் நடித்தாலும் இவருக்கு அண்மையில் வெளியான நீர்ப்பறவை மட்டுமே நல்ல பெயரை பெற்று தந்தது.

இதில் சுனைனாவின் நடிப்பு அனைவராலும் பாராட்டப்பட்டது. இந்தப் படத்தை தொடர்ந்து கோலிவுட்டில் மீண்டும் ஒரு ரவுண்ட் வரலாம் என எண்ணினார். ஆனால் எதிர்பார்திருந்த சுனைனாவுக்கு ஏமாற்றமே மிஞ்சியது.

இது குறித்து அவர் கூறியதாவது: திறமையான நடிகைகளுக்கு கோலிவுட்டில் மரியாதை கிடைக்கும் என்று நினைத்திருந்தேன். அதற்கு தகுந்தாற்போல் வாய்ப்பு அமைந்தும், நல்ல நடிகையாக முத்திரை பதித்தும் ஒரு படம் கூட கிடைக்காதது வேதனையாக உள்ளது. எனவே இனி கிளாமரான கதாபாத்திரங்களை தேர்வு செய்து, நடிக்க இருக்கிறேன் என்று சுனைனா தெரிவித்துள்ளார்.