விபச்சாரம்: தெஹிவளை ஓட்டலில் மூவர் கைது

தெஹிவளை – பெல்லத்தர வீதியில் உள்ள ஹோட்டலில் மேற்கொள்ளப்பட்ட சோதனை நடவடிக்கையின் போது அங்கிருந்து இரு ஆண்களும் ஒரு பெண்ணும் சந்தேகத்தின் பேரில் கைது செய்யப்பட்டுள்ளனர்.

விபச்சார விடுதி ஒன்றை நடத்திச் சென்றதான குற்றச்சாட்டில் இவர்கள் கைது செய்யப்பட்டதாக பொலிஸார் தெரிவித்துள்ளனர்.

பாணந்துறை – சிலாபம் மத்திய குற்றப்புலனாய்வுப் பிரிவினர் தெஹிவளை பொலிஸாரின் உதவியுடன் (10) இந்த சோதனை நடவடிக்கையை மேற்கொண்டுள்ளனர்.

17 ஆணுறைகள் மற்றும் விபச்சாரிகளை அழைத்துவர பயன்படுத்தப்பட்ட கார் என்பவற்றை பொலிஸார் கைப்பற்றியுள்ளனர்.

சந்தேகநபர்கள் இன்று (11) கல்கிஸ்ஸை நீதவான் நீதிமன்றில் ஆஜர்படுத்தப்படவுள்ளனர்.