சொகுசு பேருந்துக்கு தமிழ்நாடு முழுவதும் ஷூட்டிங்

ராசு மதுரவன் இயக்கும் படம், ‘சொகுசு பேருந்து’. ஜானி, யுவன், லியாஸ்ரீ, லீமா நடிக்கிறார்கள். படப்பிடிப்பு முடிந்து பின்னணி இசை

சேர்ப்பு நடந்து வருகிறது.
படம் பற்றி அவர் கூறியதாவது:
கடந்த 100 வருடங்களாக பேருந்து நம் சமூகத்தை விட்டு பிரிக்க முடியாத அங்கமாகி விட்டது. காதல், சந்தோஷம், துக்கம் ஆகியவற்றில் முக்கிய

இடம் வகிக்கிறது. அதை மையமாக வைத்து உருவாக்கப்பட்டுள்ள படம் இது. கோயம்பேட்டிலிருந்து மதுரை செல்லும் பஸ்சில் உருவாகும் காதல்,

நட்பு அது உறவாகத் தொடர்வதுதான் கதை. பொதுவாக பாதியில் முடிந்து விடும் நட்பை, பயண நட்பு என்பார்கள். ஆனால் இதில் பயண நட்பின்

ஆழத்தை சொல்லியிருக்கிறோம். 40 சதவிகித படப்பிடிப்பு பஸ்சுக்குள் நடந்தது. தமிழ்நாடு முழுவதும் சுற்றி முக்கிய ஊர்களில் படப்பிடிப்பு

நடத்தினோம். 100 சதவிகித காமெடி படமாக உருவாகி உள்ளது. பிப்ரவரி மாதம் வெளிவருகிறது.